Lakas tah bekunyanyang kitani

Kasar tu eh! Eh, cuba kau perhatikan, astah... Iatah ku liat orang kitani punya perangai ni. Orang sekarang ani inda lagi beumpama, biadap bah! Kurang ajar! Marah ku ni! Mendangar kau? Marah! Eh, kenapa kau cemani ani, cubatah cerita... Bah, aku becerita ah... ani nya orang putih, true story ni... Masa aku sama kawan ku meliat wayang, orang yang duduk di atas kami, bekunyanyang tah ganya, bacau-bacau, orang duduk di bawah kami, bekunyanyang tah jua, bising ketakutan meliat wayang... Sabar jua ku, sabar... Sekali tiba-tiba, kawan ku sorang ani, melenting, menuleh kebelakang, "EXCUSE ME! DO YOU MIND!" (kalau kan di 'translate' dalam bahasa kitani... kira-kira, "BULEEEEEHHH?!!"). Rupanya, dari semenjak mula filem main, orang duduk di belakang nya menandang-nandang kerusinya... "Kurang ajar jua tu" kata kawan ku ani. Banar pulang tu cakapnya atu. Tapi inda dapat kau menuduh orang kitani semua macam atu! Pasal wayang ganya? Bukan kan h

Alhamdulillah, tiba masanya, bulan 12, bulan bunus, kaya ni bilang orang... Sasak ku orang kitani ani, cubatah liat ni karang... trafik jam ni sana sini. Shopping tah durang tu, macam nada esuk, minggu dapan baru tah sanyam... Apa inda, duit abis! Kau ani, rezeki orang, jangan dipersoalkan, ada duit, belanja lah, murah rezki kan, apa yang kurang, bali! Kanak-kanak lagi kan sekulah, mambali buku, membali naendah apa... mesti lah orang sibuk. Awu, banar tu cakap mu atu, tapi kan halnya... bukan ku mempersoalkan rezeki orang. Atu banar tu, atu periuk nasi orang, inda ku kan becakap. Ni kan halnya ah... Shopping macam nada esuk atu bah... Berayas tia orang sudah terima ani nanti... Cuba tah ah, menyimpan, plan duit atu bah, buat caturan, pikir bisai-bisai, ani ah, tau-tau ni karang, macam inda bebunus bah ni, apa inda, membayar utang ganya... Atu aku setuju tu cakap mu atu sedikit, inda banyak ah, sedikit ganya. Ada ku pernah meliat slip 'withdrawal' orang kitani ah, yan

Awu, jangan tah dulu... Eh kau ani, pessimis jua. Dapat eh, Brunei banyak kan di liat. Empire ada untuk jadi kebangaan kitani, hujan tropika yang menghijau seluas mata memandang, Jerudong Park jadi kebilangan serantau. Indalah 'special' macam negri-negri lain. Indakan di sama kan. Macam ani cupak kitani, cematu banyak lah isinya... Indakan sampai melimpah ruah.. Apa lah kau ani... Eh, cemana tah jua, cubatah liat ah, tahun melawat Brunei kana tangguh ah, bukan kah taun 2008, nah, jadi 2009... Sempena 25 tahun hari kebangsaan. Inda jua bisai tu, membari awar jua tu... Lagi membari awar kalau kitani jadi 2008 taun melawat Brunei, kalau kitani balum sedia. Baik jua tu... Banar pulang tu. Tapi kan kalau kan menjadikan Brunei ani jadi destinasi pelacongan, banyak yang perlu kitani iktiarkan. Maksudmu? Orang kitani sendiri ah, cubatah, hutan yang hijau yang kau laung-laungkan ah, tau kau Kampung yang ada di sana atu? Jerudung Park ah, bukan banyak ku liat, cubatah Jerudun

Cuba baca surat khabar orang putih kitani Borneo Bulletin . Aku suka membaca tu ruangan 'Opinion' nya. Tiap ari tiga sama ari anam. Pernah kamu membaca? Awu... Macam-macam durang tulis sana atu... Boh, kau kenapa? Kan mengomplen ko kah? Inda eh, sudah nyangku aku suka ruangan atu. Tapi sadar kamu kah? Apakan ertinya 'Opinion' ani? 'Opinion' ertinya pendapat. Mengapakan? Apa lagi salahnya? Tapi cuba kitani baca banar-banar, bukannya komplen kan tu. Langsung bukan pendapat bah. Kadang kala, ada lah jua pendapat, tapi ani, komplen, komplen, komplen.... Suka pulang ku membaca komplen atu, kadang-kadang rasa ku macam membaca surat layang! Hehehe... Eh, lain jua kau ani, macam surat layang? Ke arah siapa? Ah, selalunya 'surat layang' ani ditujukan arah TelBru tah, DST tah, pasal ESpeed tah, ke AstroKristal tah. Inda habis-habis bah, minggu-minggu di baca, sama jua. Minggu-minggu di baca sama jua reply bisdia. "Please come forward and

Inda, bukan semua orang cematu kan? Tapi kenapa masih kitani meliat orang membuang sampah dari kerita, sungai brunei kitani masih kamah, sampah sarap bejuritan? Ada orang mengatakan "inda eh, aku inda jua". Tapi mencukupi kan tu? Bah, apatah kau mau buat? Cemana jua kan memaksa orang jadi pembersih? Bak pepatah nya babu ku "ulah atu, jangan di jadi sifat". Mula-mula inda ku paham cakap babu ku, ulah sama sifat, sama jua... Tapi sebenarnya lain. Ulah atu, macam kitani baibun kah, marah kah, ketawa kah, pandai berubah-ubah, tapi sifat atu sentiasa. Maksudnya, sifat atu, macam satu sudah dengan orangnya. Macam sifat pengamah, atau sifat membazir. Perambahan atu selalunya babu ku tagur kalau kami pemalas di rumah. Kitani memanglah bukan pemalas. Tapi pemalas atu buleh jadi sifat seseorang. Jadinya? Mau di ubah tah sifat atu...? Yatah tu... Mesti di ubah... Jangan di dulur ulah atu jadi sifat. Sikap penjamah mata makin berleluasa. "Bukan aku! Bukan uleh ku! Bukan k

Inda lagi batah bulan 12, atau bulan December. Selain di kenali sebagai bulan december, ia kana panggil bulan bunus jua. Kalau bulan bunus, ahhh, bulan 'roadblock' tah jua ni. Kau ani pandai-pandai saja! Banar kan?! Tantu tu eh, liat saja, banyak ni karang 'roadblock' sana sini. Gerenti tah kan men'trap' orang saja ni. Bulan lain mana ada banyak 'roadblock'. Inda kan kau inda pernah notice. Bulan Bunus bah tu, yatah sanang menyaman orang. Bah, banar jua tu, kalau speeding, tantu jua kana saman. Indakan di biarkan, labih labih lagi tah orang 'drive' macam orang gila masa ani. Mesti ada pemantauan, inda kan di biarkan saja. Kau jua pernah berucap makin banyak eksiden masa ani. Atu banar pulang tu, tapi kan halnya, kenapa tah bulan 12. Kalau membuat roadblock selalu ah, inda keterlaluan ku mengatakan, mesti orang kitani sentiasa mematuhi peraturan bah. Cubatah, nya orang putih, 'consistent' sikit. Sudah bulan 12 baru tah sibuk m

Kenapa kan baru-baru ani makin banyak tia eksiden? Siapa yang patut disalahkan? Lain jua kau ani, mencari salah? Bukannya mencari salah, tapi di mana silapnya? Kalau kitani tau salah silapnya tau kitani cemana mengelakkan, inda ja? Jaa! Aku ani kadang-kadangnya banci ku kan pemandu kitani di Negara Brunei ani. Bukannya semua lah, tapi secara umum lah. Kurang ajar pemandu kitani ani. Eh kasar tu eh! Ingat kau atu hebat sangat? Ingat kau atu sempurna 'drive'? Sempurna atu inda lah sempurna, pandai jua ku speeding sekali-sekala, tapi aku buleh di katakan behemah di jalan raya. Pasal apa ku berani becakap cematu, aku sayang kan nyawa ku, aku sayang kan kerita ku, bulan-bulan kali ku membayar ah. Bukan sanang. Eh macam tah orang lain inda membayar? Atu banar pulang, orang lain membayar jua, tapi inda penyayang nyawa. Inda penyayang kerita. Kalau inda, kenapa tah durang speeding waktu hujan, waktu banyak kerita. Memutung kerita lain macam inda beumpama. Beumpama bah sama orang ani.

Selapas aku meluahkan perasaan atu, okey tia sudah. Rupanya hatinya inda jadi menyangkut. So kedia pun ingin balik arah aku. Perasaan ku arahnya masih pulang sama. Inda pulang berubah. Jadinya kami bekawan balik semula. Kami cuba bina apa yang ada. Apa yang tinggal. Kemungkinan basar, belaku pulang lagi kejadian ani. Tapi sekurang-kurangnya aku sudah melaluinya, jadi tau tah ku cemana kan 'handle'. Kadang-kadang tekanang ku, adakah aku ani 'second choice'. Macam, kedia ani, sudah dicubanya, inda bisai, bebalik tia arah kediaku. Tapi kalau kan di sadari, aku terima ia balik. Jadi bukan aku 'second choice'. Aku ani biarlah sentiasa ada baginya. Walaupun, rasanya macam 'second choice'. "Kau bukan 'second choice', kau sentiasa my 'first choice'." katanya. Yang penting sekali ia balik dalam hidup ku. Sumpah tah inda ku tau apa kan ku buat kalau ia nada dalam hidup ku. Mati sepanggal rasanya. Alhamdulillah. Aku besyu

Samson - Luluh Saat terindah saat bersamamu Begitu lelapnya aku pun terbuai Sebenarnya aku tlah berharap Ku kan memiliki dirimu selamanya Segenap hatiku luluh lantak Mengiringi dukaku yang kehilangan dirimu Sungguh ku tak mampu Tuk meredam kepedihan hatiku Untuk merelakan kepergianmu Ingin kuyakini cinta ta kan berakhir Namun takdir menuliskan kita harus berakhir Segenap hatiku luluh lantak Mengiringi dukaku yang kehilangan dirimu Sungguh ku tak mampu tuk meredam kepedihan hatiku Untuk merelakan kepergianmu Ohh…ohh… Ku tak sanggup merelakanmu.. Ohh…ohh…ohh.. Segenap hatiku luluh lantak Mengiringi dukaku yang kehilangan dirimu Sungguh ku tak mampu Tuk meredam kepedihan hatiku Untuk merelakan kepergianmu

Nya dalam hadis dan Al-Quran, setiap yang permulaan, ada pengakhirannya. Tapi masa ani, mulanya blog ani, ada pengakhirannya tentang hidup ku ani. Tapi pengakhiran yang ku lalui ani, pengakhiran yang inda dapat ku elak kan. Walaupun aku yang mengakhirkannya. Terpaksa ku lapas kan. Hatinya terpaut arah orang lain. Bukan pulang di sengajakannya. Tapi terpaut tia. Inda ulah kan. Perasaan orang mana dapat kitani tentukan. Walaupun aku sama ia setaun labih sudah. Kami putus tapi masih kami bekawan. Tapi ani, mun kedia sudah sangkut, inda kan aku melarang. Aku tau aku nada hak jua bah. Kawan ku ada bagitau, kalau aku takut lapas, ambil iya pulang balik. Ada jua banarnya, tapi indakan sudah ada orang lain kan beguna, di ambil tah balik. Kalau aku mau ia balik, aku mau tau yang aku sedia mengambil ia balik. Aku sedia pulang sudah, tapi aku inda tau samada perasaan ku ani di akibatkan oleh orang ketiga atupun banar-banar aku sedia. Sayang ku kan kedia ani, Tuhan saja yang tau. Hati ani sakit me

Bekunyanyang ani, orang inda abis bekurapak. Kadang2 kalau orang marah, bekunyanyang tah tu. Kalau nya orang putih, "nagging, bickering"... Kalau orang bejabir, bekunyanyang tah tu iya. So sini tampat kitani bekunyanyang... Jangan malu... lapas tah marah kah, hepi kah, sedih kah dalam blog ani.... Lakas tah tani bekunyanyang....