Bulan 12, baru tah!

Inda lagi batah bulan 12, atau bulan December. Selain di kenali sebagai bulan december, ia kana panggil bulan bunus jua. Kalau bulan bunus, ahhh, bulan 'roadblock' tah jua ni.

Kau ani pandai-pandai saja! Banar kan?!

Tantu tu eh, liat saja, banyak ni karang 'roadblock' sana sini. Gerenti tah kan men'trap' orang saja ni. Bulan lain mana ada banyak 'roadblock'. Inda kan kau inda pernah notice. Bulan Bunus bah tu, yatah sanang menyaman orang.

Bah, banar jua tu, kalau speeding, tantu jua kana saman. Indakan di biarkan, labih labih lagi tah orang 'drive' macam orang gila masa ani. Mesti ada pemantauan, inda kan di biarkan saja. Kau jua pernah berucap makin banyak eksiden masa ani.

Atu banar pulang tu, tapi kan halnya, kenapa tah bulan 12. Kalau membuat roadblock selalu ah, inda keterlaluan ku mengatakan, mesti orang kitani sentiasa mematuhi peraturan bah. Cubatah, nya orang putih, 'consistent' sikit. Sudah bulan 12 baru tah sibuk membuat roadblock sana sini. Mau nya ah, tiap-tiap bulan bah, selaras dengan undang-undang kitani. Ani berangin. Sudah bonus, baru tah berabis kan roadblock.

Eh kau ani, bulan 12 atu bukan kah cuti sekulah. Jadinya makin banyak kerita di jalan, banyak anak remaja curi-curi 'drive' kerita. Yatah tu, baik jua tu memantau dari banyak berlakunya perkara yang inda kitani suka.

Atu banar tu. Tapi kalau di buat tiap-taip bulan, 'consistent', perkara cemani inda mudah berlaku bah. Lagipun banyak jua cuti sekulah sepanjang tahun, kenapa inda ada 'roadblock' jua?Sebab cuti sekulah kah inda, penuntut, para remaja, takut. And orang ramai pun sentiasa peka dengan peraturan. Banyak kebaikannya daripada membuat 'roadblock' secara 'berangin'. Inda ja?

Jaaa... Ada jua banarnya cakap mu atu, tapi cuba kitani tanya apa nya orang lain.... Cuba tah...

Ulasan

Catat Ulasan

Catatan popular daripada blog ini

Makin Teruk ah?!

Imej
Kenapa kan baru-baru ani makin banyak tia eksiden? Siapa yang patut disalahkan? Lain jua kau ani, mencari salah? Bukannya mencari salah, tapi di mana silapnya? Kalau kitani tau salah silapnya tau kitani cemana mengelakkan, inda ja? Jaa! Aku ani kadang-kadangnya banci ku kan pemandu kitani di Negara Brunei ani. Bukannya semua lah, tapi secara umum lah. Kurang ajar pemandu kitani ani. Eh kasar tu eh! Ingat kau atu hebat sangat? Ingat kau atu sempurna 'drive'? Sempurna atu inda lah sempurna, pandai jua ku speeding sekali-sekala, tapi aku buleh di katakan behemah di jalan raya. Pasal apa ku berani becakap cematu, aku sayang kan nyawa ku, aku sayang kan kerita ku, bulan-bulan kali ku membayar ah. Bukan sanang. Eh macam tah orang lain inda membayar? Atu banar pulang, orang lain membayar jua, tapi inda penyayang nyawa. Inda penyayang kerita. Kalau inda, kenapa tah durang speeding waktu hujan, waktu banyak kerita. Memutung kerita lain macam inda beumpama. Beumpama bah sama orang ani....
Baca lagi

Soal Hati

Nya dalam hadis dan Al-Quran, setiap yang permulaan, ada pengakhirannya. Tapi masa ani, mulanya blog ani, ada pengakhirannya tentang hidup ku ani. Tapi pengakhiran yang ku lalui ani, pengakhiran yang inda dapat ku elak kan. Walaupun aku yang mengakhirkannya. Terpaksa ku lapas kan. Hatinya terpaut arah orang lain. Bukan pulang di sengajakannya. Tapi terpaut tia. Inda ulah kan. Perasaan orang mana dapat kitani tentukan. Walaupun aku sama ia setaun labih sudah. Kami putus tapi masih kami bekawan. Tapi ani, mun kedia sudah sangkut, inda kan aku melarang. Aku tau aku nada hak jua bah. Kawan ku ada bagitau, kalau aku takut lapas, ambil iya pulang balik. Ada jua banarnya, tapi indakan sudah ada orang lain kan beguna, di ambil tah balik. Kalau aku mau ia balik, aku mau tau yang aku sedia mengambil ia balik. Aku sedia pulang sudah, tapi aku inda tau samada perasaan ku ani di akibatkan oleh orang ketiga atupun banar-banar aku sedia. Sayang ku kan kedia ani, Tuhan saja yang tau. Hati ani sakit me...
Baca lagi

Orang Brunei Pengamah kah Pembersih?

Inda, bukan semua orang cematu kan? Tapi kenapa masih kitani meliat orang membuang sampah dari kerita, sungai brunei kitani masih kamah, sampah sarap bejuritan? Ada orang mengatakan "inda eh, aku inda jua". Tapi mencukupi kan tu? Bah, apatah kau mau buat? Cemana jua kan memaksa orang jadi pembersih? Bak pepatah nya babu ku "ulah atu, jangan di jadi sifat". Mula-mula inda ku paham cakap babu ku, ulah sama sifat, sama jua... Tapi sebenarnya lain. Ulah atu, macam kitani baibun kah, marah kah, ketawa kah, pandai berubah-ubah, tapi sifat atu sentiasa. Maksudnya, sifat atu, macam satu sudah dengan orangnya. Macam sifat pengamah, atau sifat membazir. Perambahan atu selalunya babu ku tagur kalau kami pemalas di rumah. Kitani memanglah bukan pemalas. Tapi pemalas atu buleh jadi sifat seseorang. Jadinya? Mau di ubah tah sifat atu...? Yatah tu... Mesti di ubah... Jangan di dulur ulah atu jadi sifat. Sikap penjamah mata makin berleluasa. "Bukan aku! Bukan uleh ku! Bukan k...
Baca lagi