Makin Teruk ah?!
Kenapa kan baru-baru ani makin banyak tia eksiden? Siapa yang patut disalahkan?
Lain jua kau ani, mencari salah?
Bukannya mencari salah, tapi di mana silapnya? Kalau kitani tau salah silapnya tau kitani cemana mengelakkan, inda ja? Jaa! Aku ani kadang-kadangnya banci ku kan pemandu kitani di Negara Brunei ani. Bukannya semua lah, tapi secara umum lah. Kurang ajar pemandu kitani ani. Eh kasar tu eh! Ingat kau atu hebat sangat? Ingat kau atu sempurna 'drive'? Sempurna atu inda lah sempurna, pandai jua ku speeding sekali-sekala, tapi aku buleh di katakan behemah di jalan raya. Pasal apa ku berani becakap cematu, aku sayang kan nyawa ku, aku sayang kan kerita ku, bulan-bulan kali ku membayar ah. Bukan sanang. Eh macam tah orang lain inda membayar? Atu banar pulang, orang lain membayar jua, tapi inda penyayang nyawa. Inda penyayang kerita. Kalau inda, kenapa tah durang speeding waktu hujan, waktu banyak kerita. Memutung kerita lain macam inda beumpama.
Beumpama bah sama orang ani. Atu prinsip hidup ku. Walau ku gagas, walau ku berabut, inda ku kan kurang ajar sama orang. Aku inda mau jadi penyebab nyawa orang lain terjejas dengan perbuatan ku. Eh, baik jua kau ani? Awu eh, nya orang, kalau kitani bebuat baik, orang lain baik jua sama kitani, inda ja? Jaaa! Bak kata pepatah jua, "buat baik berpada-pada, buat jahat jangan sekali". Awu, banar tu nyamu atu.
Bah cubatah banar kenapa tah makin banyak mangsa eksiden masa ani? Inda patut kan disalahkan jalan raya ah. Kalau inda banyak tia orang eksiden tampat yang sama. Ani selamat jua orang lain yang kuai-lintas kan.
Entah eh, apatah banarnya? Maintainence kerita?
Atu salah satu daripadanya tu. Yang banarnya, punca semua ani. Tu nah! Kaki yang menakan minyak ah. Luan kan siok jalan laju. Nya orang putih "speeding kills" bah. Edeh, macam tah kau inda pandai speeding. Bedusta jua tu kalau kau drive inda pandai limpas 100km/h. Atu banar pulang tu, tapi aku liat keselamatan ku, keselamatan orang jua. Kalau clear, mana saja tah, sebab kalau, eh jauh palis, ada apa apa tejadi, sekurang-kurangnya aku ganya yang terlibat. Tapi kalau melibatkan orang, nyawa orang terjejas, kerita orang tejejas, mana kitani tau kerita yang dipakainya atu periuk nasi orang lain kan. Dan lagi, membayar ganti rugi, walaupun be'cover' oleh insurans, tapi sengsara jua keluar masuk opis, ke balai pulis, apa endah.
Awu banar pulang tu. Jadi nya apa tah nasihat mu arah semua pemandu di Brunei ani?
Nasihat ku sanang pulang. Adang tah kan belaju saja, buleh belaju, tapi liat dulu keadaan. Indakan waktu hujan, berabis tah menakan minyak. Waktu banyak kerita di jalan, berabis tah jua kan menakan. Sabar. Walaupun gagas, insyaallah yang penting sampai selamat.
Belajar menyesuaikan diri dengan masa. Turun awal, mana kitani tau, trapik jem kah, hujan kah. Nya orang "biar salah awal, jangan salah akhir". Mesti pandai mem'plan' kan masa atu. Jangan senantiasa kan gagas saja.
Kerita atu, jaga, tayar apa endah, lampung signal ah, pakai! Jangan inda di pakai. Sesama manusia, mana kitani pandai membaca hati orang, pikiran orang. Atu Allah Ta'alla saja dapat. Jadi pakai signal atu. Bagitau driber-driber yang lain atu, kitani ani kan ke kiri kah, ke kanan kah. Tau orang. Tapi jangan silap! Apanya tu? Mentang-mentang tah signal, jangan tah keluar simpang kah, tukar lane kah selarah-larahnya, liat liat jua. Signal atu membagi tau, bukannya membagi kitani hak kan drive sesuka hati. Jangan sudah eksiden, jawapnya "Eh inda kau meliat kah aku signal atu!". Stail lama tu alasan cematu atu.
Eh banyak jua nasihat mu ani. Berabis kau bekunyanyang eh!
Awu inda ulah, bukannya apa, untuk kebaikan kitani semua. Sayang ku kan nyawa ku masih. Biar tia ku mati tua, inda ku sanggup mati eksiden ani. Nauzubillah! Baik mati, kubur tarus, mun cacat menyacat, lagi tah menyedihkan. Awu ah, banar jua tu...
Lain jua kau ani, mencari salah?
Bukannya mencari salah, tapi di mana silapnya? Kalau kitani tau salah silapnya tau kitani cemana mengelakkan, inda ja? Jaa! Aku ani kadang-kadangnya banci ku kan pemandu kitani di Negara Brunei ani. Bukannya semua lah, tapi secara umum lah. Kurang ajar pemandu kitani ani. Eh kasar tu eh! Ingat kau atu hebat sangat? Ingat kau atu sempurna 'drive'? Sempurna atu inda lah sempurna, pandai jua ku speeding sekali-sekala, tapi aku buleh di katakan behemah di jalan raya. Pasal apa ku berani becakap cematu, aku sayang kan nyawa ku, aku sayang kan kerita ku, bulan-bulan kali ku membayar ah. Bukan sanang. Eh macam tah orang lain inda membayar? Atu banar pulang, orang lain membayar jua, tapi inda penyayang nyawa. Inda penyayang kerita. Kalau inda, kenapa tah durang speeding waktu hujan, waktu banyak kerita. Memutung kerita lain macam inda beumpama.
Beumpama bah sama orang ani. Atu prinsip hidup ku. Walau ku gagas, walau ku berabut, inda ku kan kurang ajar sama orang. Aku inda mau jadi penyebab nyawa orang lain terjejas dengan perbuatan ku. Eh, baik jua kau ani? Awu eh, nya orang, kalau kitani bebuat baik, orang lain baik jua sama kitani, inda ja? Jaaa! Bak kata pepatah jua, "buat baik berpada-pada, buat jahat jangan sekali". Awu, banar tu nyamu atu.
Bah cubatah banar kenapa tah makin banyak mangsa eksiden masa ani? Inda patut kan disalahkan jalan raya ah. Kalau inda banyak tia orang eksiden tampat yang sama. Ani selamat jua orang lain yang kuai-lintas kan.
Entah eh, apatah banarnya? Maintainence kerita?
Atu salah satu daripadanya tu. Yang banarnya, punca semua ani. Tu nah! Kaki yang menakan minyak ah. Luan kan siok jalan laju. Nya orang putih "speeding kills" bah. Edeh, macam tah kau inda pandai speeding. Bedusta jua tu kalau kau drive inda pandai limpas 100km/h. Atu banar pulang tu, tapi aku liat keselamatan ku, keselamatan orang jua. Kalau clear, mana saja tah, sebab kalau, eh jauh palis, ada apa apa tejadi, sekurang-kurangnya aku ganya yang terlibat. Tapi kalau melibatkan orang, nyawa orang terjejas, kerita orang tejejas, mana kitani tau kerita yang dipakainya atu periuk nasi orang lain kan. Dan lagi, membayar ganti rugi, walaupun be'cover' oleh insurans, tapi sengsara jua keluar masuk opis, ke balai pulis, apa endah.
Awu banar pulang tu. Jadi nya apa tah nasihat mu arah semua pemandu di Brunei ani?
Nasihat ku sanang pulang. Adang tah kan belaju saja, buleh belaju, tapi liat dulu keadaan. Indakan waktu hujan, berabis tah menakan minyak. Waktu banyak kerita di jalan, berabis tah jua kan menakan. Sabar. Walaupun gagas, insyaallah yang penting sampai selamat.
Belajar menyesuaikan diri dengan masa. Turun awal, mana kitani tau, trapik jem kah, hujan kah. Nya orang "biar salah awal, jangan salah akhir". Mesti pandai mem'plan' kan masa atu. Jangan senantiasa kan gagas saja.
Kerita atu, jaga, tayar apa endah, lampung signal ah, pakai! Jangan inda di pakai. Sesama manusia, mana kitani pandai membaca hati orang, pikiran orang. Atu Allah Ta'alla saja dapat. Jadi pakai signal atu. Bagitau driber-driber yang lain atu, kitani ani kan ke kiri kah, ke kanan kah. Tau orang. Tapi jangan silap! Apanya tu? Mentang-mentang tah signal, jangan tah keluar simpang kah, tukar lane kah selarah-larahnya, liat liat jua. Signal atu membagi tau, bukannya membagi kitani hak kan drive sesuka hati. Jangan sudah eksiden, jawapnya "Eh inda kau meliat kah aku signal atu!". Stail lama tu alasan cematu atu.
Eh banyak jua nasihat mu ani. Berabis kau bekunyanyang eh!
Awu inda ulah, bukannya apa, untuk kebaikan kitani semua. Sayang ku kan nyawa ku masih. Biar tia ku mati tua, inda ku sanggup mati eksiden ani. Nauzubillah! Baik mati, kubur tarus, mun cacat menyacat, lagi tah menyedihkan. Awu ah, banar jua tu...
Ulasan