Hujan mencurah-curah... Bunus ni!

Alhamdulillah, tiba masanya, bulan 12, bulan bunus, kaya ni bilang orang...

Sasak ku orang kitani ani, cubatah liat ni karang... trafik jam ni sana sini. Shopping tah durang tu, macam nada esuk, minggu dapan baru tah sanyam... Apa inda, duit abis!

Kau ani, rezeki orang, jangan dipersoalkan, ada duit, belanja lah, murah rezki kan, apa yang kurang, bali! Kanak-kanak lagi kan sekulah, mambali buku, membali naendah apa... mesti lah orang sibuk.

Awu, banar tu cakap mu atu, tapi kan halnya... bukan ku mempersoalkan rezeki orang. Atu banar tu, atu periuk nasi orang, inda ku kan becakap. Ni kan halnya ah... Shopping macam nada esuk atu bah... Berayas tia orang sudah terima ani nanti... Cuba tah ah, menyimpan, plan duit atu bah, buat caturan, pikir bisai-bisai, ani ah, tau-tau ni karang, macam inda bebunus bah ni, apa inda, membayar utang ganya...

Atu aku setuju tu cakap mu atu sedikit, inda banyak ah, sedikit ganya. Ada ku pernah meliat slip 'withdrawal' orang kitani ah, yang ampai-ampai, ingat ku ah baru 2-3 hari terima bah... Ehh, tinggal $50 ganya... Bukan ku menyibuk tapi mun ampai-ampai, ku tunduk, nampak tia ku... Bukan ku menyilak-nyilak kan sibuk

Aku ah, yatah ganya ku hampa dengan orang kitani ani, biar kalah duit, jangan kalah eksen. Sanggup membali barang-barang yang mahal tah, kerita mewah tah, mubail mahal tah, asal kana pandang... asal kana liat...

Eh kau ani ke sana tia pulang...

Eh yatah sabab nya tu bah, orang kitani banyak hutang ah... Inda mau kalah eksen, astah cuba kau perhatikan...

Antah ah, inda ku berani mengomen cakap mu atu, sensitip tu... Tapi barangkali, ada jua banarnya... Mudahan tah ada orang kitani mengomen...

Biar tia kitani mendangar orang lain mengomen. Aku lagi ah, yang ku hampakan lagi ah, titah KDYMM supaya menyimpan duit tani dalam simpanan atu, tinggal titah ganya bah. Inda di praktik kan, di laungkan sana, di laungkan sini, tapi buat, eh, indah khabar ganya......

Eh cemana jua kau tau, orang menyimpan kah inda, mana tau, orang menyimpan, tapi shopping jua, inda kan menalur di rumah tah ganya...

Bah maie tah kitani mendangar komen orang kitani, banar kah inda cakap ku ani..

Ulasan

Catat Ulasan

Catatan popular daripada blog ini

Makin Teruk ah?!

Imej
Kenapa kan baru-baru ani makin banyak tia eksiden? Siapa yang patut disalahkan? Lain jua kau ani, mencari salah? Bukannya mencari salah, tapi di mana silapnya? Kalau kitani tau salah silapnya tau kitani cemana mengelakkan, inda ja? Jaa! Aku ani kadang-kadangnya banci ku kan pemandu kitani di Negara Brunei ani. Bukannya semua lah, tapi secara umum lah. Kurang ajar pemandu kitani ani. Eh kasar tu eh! Ingat kau atu hebat sangat? Ingat kau atu sempurna 'drive'? Sempurna atu inda lah sempurna, pandai jua ku speeding sekali-sekala, tapi aku buleh di katakan behemah di jalan raya. Pasal apa ku berani becakap cematu, aku sayang kan nyawa ku, aku sayang kan kerita ku, bulan-bulan kali ku membayar ah. Bukan sanang. Eh macam tah orang lain inda membayar? Atu banar pulang, orang lain membayar jua, tapi inda penyayang nyawa. Inda penyayang kerita. Kalau inda, kenapa tah durang speeding waktu hujan, waktu banyak kerita. Memutung kerita lain macam inda beumpama. Beumpama bah sama orang ani....
Baca lagi

Soal Hati

Nya dalam hadis dan Al-Quran, setiap yang permulaan, ada pengakhirannya. Tapi masa ani, mulanya blog ani, ada pengakhirannya tentang hidup ku ani. Tapi pengakhiran yang ku lalui ani, pengakhiran yang inda dapat ku elak kan. Walaupun aku yang mengakhirkannya. Terpaksa ku lapas kan. Hatinya terpaut arah orang lain. Bukan pulang di sengajakannya. Tapi terpaut tia. Inda ulah kan. Perasaan orang mana dapat kitani tentukan. Walaupun aku sama ia setaun labih sudah. Kami putus tapi masih kami bekawan. Tapi ani, mun kedia sudah sangkut, inda kan aku melarang. Aku tau aku nada hak jua bah. Kawan ku ada bagitau, kalau aku takut lapas, ambil iya pulang balik. Ada jua banarnya, tapi indakan sudah ada orang lain kan beguna, di ambil tah balik. Kalau aku mau ia balik, aku mau tau yang aku sedia mengambil ia balik. Aku sedia pulang sudah, tapi aku inda tau samada perasaan ku ani di akibatkan oleh orang ketiga atupun banar-banar aku sedia. Sayang ku kan kedia ani, Tuhan saja yang tau. Hati ani sakit me...
Baca lagi

Selamat Hari Jadi dan Tahniah!

Apa tah kau ah ikut DJ ah? Apa lurih mu? Alhamdulillah. Numbur 5 ku dapat, buleh lah tahan, sekurang-kurangnya aku inda menghampakan Mentor ku. Kenapa pulang? Inda jua apa-apa kalau kau inda manang. Aku taget ku, bukan kan manang atau apa, kalau manang, kira bunus lah tu, ani aku inda mau menghampakan mentor ku, kau tau, banyak kali ah usahanya arah kami dua. Ngalih ia bekunyanyang, kami dua ani malu malu campur babal sedikit. Tapi berkat kesabaran mentor ku, alhamdullilah, syukur ku jua... Masa di backstage, aku sama si Q menampar-nampar que kad arah dahi kami, sambil bercakap sorang diri "Jangan hampakan Aliff"... Bongok usul kami dua... At one point, inda lagi kami peduli if manang kah inda, yang penting, kami kan menujukkan betapa hebatnya hasil karya mentor kami... Tuhan saja tau rasa mentor kami atu, untuk kami mencapai yang terbaik... Kami sungguh bangga ada mentor berdedikasi macam ia... hehe... Edeh, siok eh bunyi kau atu? Apa lagi ada? Kalau kan meliat gambar, liat ...
Baca lagi