Lagi, Lagi, Wayang...

Boh, lagi? Sama lagi kunyanyang mu ani.... Jangan tah kau meliat wayang eh, macam-macam saja karenah mu ani.

Astah banar. Bukan ku menipu ni. Kurang ajar tah banar urang kitani ani kadangnya. Kenapakan tu?

Bah, cerita tah, lapaskan tia garam ati mu atu arah kediaku ani... Mari aku melayan, aku mendangar...

Semalam, aku meliat cerita Elizabeth, The Golden Age. Siok nyamu ceritanya, aku ani lagi minat meliat cerita ala-ala zaman 'Victoria'. Yatah, aku ani kelurusan jua minat tentang kisah-kisah benar ala-ala lagenda ani. Si 'Kate Blanchet' atu lagi, hebat banar pelakunnya... Ku pendik kan cerita siok lah, inda ku menyasal membelanjai 6 ringgit meliat wayang.

Habis?

Tangah-tangah kami meliat dengan tekun. Bebunyi tia telipun, basar jua sudah bunyi 'sound system' wayang atu, basar lagi bunyi telipunnya atu!

Eh tuli pakah? Inda di'silent'nya kah telipun nya atu?

Inda tah tu, mun laung laung lagu di mobilenya atu... Balum lagi abis tu, di rejectnya, bebunyi lagi, yang membari panas hati.... Di biarkannya! Becakap ia sama laki-laki duduk dengannya atu, sambil menunjuk-nunjuk telipunnya, seolah-olah macam jawapkah inda, jawapkah inda, usul durang dua...

Jadi di jawapnya tah?

Awu, di jawapnya, sudah kami 'shhh' bisdia, orang lain meng'shhh' jua bisdia masa telipunnya bebunyi, tapi sudah ia menjawap, basar suaranya lebih kurang sama basar bunyi mobilenya tadi... Punya meruap rasa hati aku, kawan-kawan ku tekandung orang yang meliat wayang atu pun gergitan...

Ai, kurang ajar tu banar.

Yatah nyangku, inda membagi garam ati di mana tu! Kenapa kan orang kitani ani? Kenapa? Kenapa orang kitani cematu? Kenapa ada orang kitani yang masih kurang ajar? Kenapa orang kitani masih ada yang inda berumpama sama kitani? Kenapa masih ada orang inda beretika? Kenapa? Angkuh? Orang kitani Angkuh kah?

Banyak soalan mu atu. Aku inda berani menjawap. Sensitip. Karang kana marah ku... Cuba kau tanya orang yang lain... Durang pun gerenti inda berani menjawap...

Ulasan

Catat Ulasan

Catatan popular daripada blog ini

Makin Teruk ah?!

Imej
Kenapa kan baru-baru ani makin banyak tia eksiden? Siapa yang patut disalahkan? Lain jua kau ani, mencari salah? Bukannya mencari salah, tapi di mana silapnya? Kalau kitani tau salah silapnya tau kitani cemana mengelakkan, inda ja? Jaa! Aku ani kadang-kadangnya banci ku kan pemandu kitani di Negara Brunei ani. Bukannya semua lah, tapi secara umum lah. Kurang ajar pemandu kitani ani. Eh kasar tu eh! Ingat kau atu hebat sangat? Ingat kau atu sempurna 'drive'? Sempurna atu inda lah sempurna, pandai jua ku speeding sekali-sekala, tapi aku buleh di katakan behemah di jalan raya. Pasal apa ku berani becakap cematu, aku sayang kan nyawa ku, aku sayang kan kerita ku, bulan-bulan kali ku membayar ah. Bukan sanang. Eh macam tah orang lain inda membayar? Atu banar pulang, orang lain membayar jua, tapi inda penyayang nyawa. Inda penyayang kerita. Kalau inda, kenapa tah durang speeding waktu hujan, waktu banyak kerita. Memutung kerita lain macam inda beumpama. Beumpama bah sama orang ani....
Baca lagi

Soal Hati

Nya dalam hadis dan Al-Quran, setiap yang permulaan, ada pengakhirannya. Tapi masa ani, mulanya blog ani, ada pengakhirannya tentang hidup ku ani. Tapi pengakhiran yang ku lalui ani, pengakhiran yang inda dapat ku elak kan. Walaupun aku yang mengakhirkannya. Terpaksa ku lapas kan. Hatinya terpaut arah orang lain. Bukan pulang di sengajakannya. Tapi terpaut tia. Inda ulah kan. Perasaan orang mana dapat kitani tentukan. Walaupun aku sama ia setaun labih sudah. Kami putus tapi masih kami bekawan. Tapi ani, mun kedia sudah sangkut, inda kan aku melarang. Aku tau aku nada hak jua bah. Kawan ku ada bagitau, kalau aku takut lapas, ambil iya pulang balik. Ada jua banarnya, tapi indakan sudah ada orang lain kan beguna, di ambil tah balik. Kalau aku mau ia balik, aku mau tau yang aku sedia mengambil ia balik. Aku sedia pulang sudah, tapi aku inda tau samada perasaan ku ani di akibatkan oleh orang ketiga atupun banar-banar aku sedia. Sayang ku kan kedia ani, Tuhan saja yang tau. Hati ani sakit me...
Baca lagi

Orang Brunei Pengamah kah Pembersih?

Inda, bukan semua orang cematu kan? Tapi kenapa masih kitani meliat orang membuang sampah dari kerita, sungai brunei kitani masih kamah, sampah sarap bejuritan? Ada orang mengatakan "inda eh, aku inda jua". Tapi mencukupi kan tu? Bah, apatah kau mau buat? Cemana jua kan memaksa orang jadi pembersih? Bak pepatah nya babu ku "ulah atu, jangan di jadi sifat". Mula-mula inda ku paham cakap babu ku, ulah sama sifat, sama jua... Tapi sebenarnya lain. Ulah atu, macam kitani baibun kah, marah kah, ketawa kah, pandai berubah-ubah, tapi sifat atu sentiasa. Maksudnya, sifat atu, macam satu sudah dengan orangnya. Macam sifat pengamah, atau sifat membazir. Perambahan atu selalunya babu ku tagur kalau kami pemalas di rumah. Kitani memanglah bukan pemalas. Tapi pemalas atu buleh jadi sifat seseorang. Jadinya? Mau di ubah tah sifat atu...? Yatah tu... Mesti di ubah... Jangan di dulur ulah atu jadi sifat. Sikap penjamah mata makin berleluasa. "Bukan aku! Bukan uleh ku! Bukan k...
Baca lagi